၂၀၂၅ ခုနှစ်၊ မတ် ၁၈ ရက် မွန်းလွဲ ၁၂ နာရီ ၅၈ မိနစ်ခန့်က ဧရာဝတီတိုင်းဒေသကြီး၊ မြောင်းမြမြို့၊ ရွေးမြစ်အတွင်း ယာဉ်မောင်း စောမူးရှီး မောင်းနှင်သော စက်လှေ(ပဲ့ထောင်)သည် စိန်သလ္လာအောင် သုံးတွဲသင်္ဘော CBR 0328 နှင့် မျက်နှာချင်းဆိုင် တိုက်မိမှုဖြစ်ပွားကြောင်း သတင်းရရှိသဖြင့် မြောင်းမြမြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် ရှာဖွေကယ်ဆယ်ရေးလုပ်ငန်းများ သွားရောက်ဆောင်ရွက်ခဲ့ရာ မွန်းလွဲ ၁ နာရီ ၃၀ မိနစ်တွင် ပြီးစီးခဲ့ပါသည်။
အဆိုပါဖြစ်စဉ်ကြောင့် စက်လှေ(ပဲ့ထောင်)ပေါ်ပါ အမျိုးသား သုံးဦး၊ အမျိုးသမီး နှစ်ဦးအနက် အမျိုးသား သုံးဦးနှင့် အမျိုးသမီး တစ်ဦးအား အသက်ရှင်လျက် ကယ်ဆယ်နိုင်ခဲ့ပြီး အမျိုးသမီး တစ်ဦး ပျောက်ဆုံးနေကြောင်းနှင့် စက်လှေမောင်းနှင်သူ စောမူးရှီး ထိခိုက်ဒဏ်ရာ(မစိုးရိမ်ရ)အား မြောင်းမြမြို့ပြည်သူ့ဆေးရုံသို့ ပို့ဆောင်ပေးခဲ့ကြောင်း သတင်းရရှိပါသည်။
