၂၀၂၅ ခုနှစ်၊ မတ် ၂၁ ရက်က စစ်ကိုင်းတိုင်းဒေသကြီး၊ မုံရွာမြို့၌ လိုင်စင်မဲ့မော်တော်ယာဉ် တစ်စီး ဖမ်းဆီးရမိခဲ့ကြောင်း သိရသည်။
ဖြစ်စဉ်မှာ ၂၀၂၅ ခုနှစ်၊ မတ် ၂၁ ရက် နံနက် ၁၁ နာရီ ၄၅ မိနစ်တွင် စစ်ကိုင်းတိုင်းဒေသကြီး၊ မုံရွာမြို့၊ နတ်လူထိပ်ပန်ရပ်ကွက်၊ အဝေးပြေးကားကြီးဝင်းရှေ့ မုံရွာ-မန္တလေးလမ်းမကြီးပေါ်တွင် အမှတ်(၁၁၄)ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များပါဝင်သော ပူးပေါင်းအဖွဲ့က ယာဉ်စစ်ဆေးခြင်းများ ဆောင်ရွက်နေစဉ် မုံရွာ-မန္တလေးလမ်းမကြီးအတိုင်း မြောက်မှ တောင်သို့ မုံရွာမြို့၊ ရွာထောင်ကျေးရွာနေ ထွန်းဦး(၅၆)နှစ် မောင်းနှင်လာသည့် MDY/7J–XXXX HIJET အဖြူရောင် မော်တော်ယာဉ်အား ရပ်တန့်စစ်ဆေးခဲ့ရာ အဆိုပါယာဉ်နှင့်ပတ်သက်၍ အထောက်အထားတစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့မော်တော်ယာဉ်ဖြစ်ကြောင်း သိရှိရသဖြင့် ထွန်းဦးအား မုံရွာမြို့မရဲစခန်း (ပ)၅၆/၂၀၂၅၊ ပို့ကုန်သွင်းကုန်ဥပဒေ ပုဒ်မ ၈ ဖြင့် အမှုဖွင့်အရေးယူထားကြောင်း သတင်းရရှိသည်။
စစ်ကိုင်းတိုင်းဒေသကြီး၊ မုံရွာမြို့၌ လိုင်စင်မဲ့မော်တော်ယာဉ် တစ်စီး ဖမ်းဆီးရမိမှု မှတ်တမ်းဓာတ်ပုံ။
