၂၀၂၅ ခုနှစ်၊ ဧပြီ ၂၅ ရက်က နေပြည်တော်ကောင်စီနယ်မြေ၊ ပျဉ်းမနားမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး ဒဏ်ရာရရှိခဲ့ကြောင်း သိရသည်။
ဖြစ်စဉ်မှာ ဧပြီ ၂၅ ရက် နံနက် ၁၀ နာရီ ၁၅ မိနစ်တွင် နေပြည်တော်ကောင်စီနယ်မြေ၊ ပျဉ်းမနားမြို့၊ ရွှေချီ(၂)လမ်းတွင် ယာဉ်တိုက်မှုဖြစ်ပွားကြောင်း သတင်းအရ အမှတ်(၁)ယာဉ်ထိန်းရဲဒုတပ်ဖွဲ့ခွဲမှ တပ်ဖွဲ့ဝင်များက သွားရောက်စစ်ဆေးခဲ့ရာ ရွှေချီ(၂)လမ်းအတွင်း (၂)လမ်းတံတားမှ မောင်ခင်လမ်းသို့ ကင်ပွန်းတန်းကျေးရွာနေ ပိုင်ကောင်းထက်(၁၈)နှစ် မောင်းနှင်လာသည့် ဆိုင်ကယ်နှင့် မျက်နှာချင်းဆိုင်မှ ရွာကောက်ရပ်ကွက်နေ ကျော်ကျော်အောင်(၃၉)နှစ် မောင်းနှင်လာသည့် YGN-42/ 2L-XXXX HYUNDAI H100 အဖြူရောင်မော်တော်ယာဉ်တို့သည် “ပုံကြီး” မုန့်ဟင်းခါးဆိုင်အနီးအရောက်၌ အရှိန်မထိန်းနိုင်ဘဲ လမ်းလယ်၌တိုက်မိခဲ့သဖြင့် ပိုင်ကောင်းထက်တွင် ဒဏ်ရာများ ရရှိခဲ့သောကြောင့် ၎င်းတို့ နှစ်ဦးအား ပျဉ်းမနားမြို့မရဲစခန်း ယာဉ်(ပ) ၁/၂၀၂၅၊ ရာဇသတ်ကြီးပုဒ်မ ၃၃၈ ဖြင့် အမှုဖွင့်အရေးယူထားကြောင်း သတင်းရရှိသည်။
နေပြည်တော်ကောင်စီနယ်မြေ၊ ပျဉ်းမနားမြို့နယ်၌ ယာဉ်တိုက်မှု မှတ်တမ်းဓာတ်ပုံ။
