၂၀၂၅ ခုနှစ်၊ ဖေဖော်ဝါရီလ ၂၂ ရက်နေ့၊ နံနက် ၁၀ နာရီခန့်က မန္တလေးတိုင်းဒေသကြီး၊ ပြည်ကြီးတံခွန်မြို့နယ်၊ (ဈ)ရပ်ကွက်၊ စက်မှုဇုန်(၁)ရှိ Unilever EAC Myanmar Co.,Ltd ၏ ဆပ်ပြာစက်ရုံတွင် မီးဘေးကြိုတင်ကာကွယ်ရေး အသိပညာပေးဟောပြောပွဲနှင့် မီးငြှိမ်းသတ်ရေး သရုပ်ပြဇာတ်တိုက်လေ့ကျင့်မှု ပြုလုပ်ခဲ့ပါသည်။
အဆိုပါအသိပညာပေးဟောပြောပွဲတွင် မီးလောင်ခြင်းအကြောင်းအရင်းများနှင့် အရေးပေါ် မီးလောင်မှုဖြစ်ပွားလာပါက မီးငြှိမ်းသတ်ရေးပစ္စည်းများအား စနစ်တကျကိုင်တွယ်ငြှိမ်းသတ်နိုင်ရေးနည်းလမ်းများနှင့် မီးလောင်မှုတွင် ပိတ်မိနေသောလူနာများအား ရှာဖွေကယ်ဆယ်ရေးတပ်ဖွဲ့ဝင်များမှ ဝင်ရောက်ကယ်ဆယ်မှု သရုပ်ပြဇာတ်တိုက်လေ့ကျင့်ခြင်းများအား မန္တလေးတိုင်းဒေသကြီး မီးသတ်ဦးစီးမှူးရုံး၊ ပြည်ကြီးတံခွန်ခရိုင်/မြို့နယ်မီးသတ်စခန်းတို့မှ မီးသတ်တပ်ဖွဲ့ဝင်များသည် မီးသတ်ယာဉ် (၉)စီးတို့ဖြင့် ကုမ္ပဏီဝန်ထမ်းများနှင့်အတူ လက်တွေ့သရုပ်ပြလေ့ကျင်မှုဆောင်ရွက်ခဲ့ကြောင်း သတင်းရရှိပါသည်။
